Sarung

Sarung utawa sarong iku kain amba kang pucuk siji lan sijiné disambung saéngga dadi kawangun kaya plempem utawa pipa. Ing tanah jawa, sarung mligi dipigunakaké déning wong lanang kanthi dibebetaké lan dianggo ing samubarang panggawéyan. Sarung uga dadi sandhangan tumrap wong Malayu, Asia Kidul-wétan, Asia Wétan, Arab, Sungu Afrika lan pira-pira ing laladan Pasifik. Lumrahé sarung duwé corak kothak-kothak, sanajan uga saiki ana sarung kang duwé corak wewangun kéwan utawa tuwuhan.